Krea un inteligensia artifisial ku por
lesa, komprendé i skibi na Papiamentu
Inspirá pa e desaroyonan resiente den e mundu di inteligensia artifisial, e proyekto di inteligensia artifisial pa idioma Papiamentu a nase.
E proyekto su meta prinsipal ta pa krea un inteligensia artifisial ku por lesa, komprendé i skibi na Papiamentu.
E proyekto yama "Kon ta bAI" pasobra nos a kombiná e frase popular "kon ta bai" ku e abreviashon "AI" . E meta ta pa e AI generá teksto, pa e papia ku nos i asta puntra nos kon ta bai.
Inteligensia Artifisial (IA), (Artificial Intelligence òf AI na ingles), a yega masha leu. Tin tur tipo di IA awendia, for di IA ku ta rekonosé kara di hende te ku IA ku por gana e hungadó kampion den e wega Chines Go. Tambe tin IA ku por produsí idioma. E kompania Merikano OpenAI a krea un IA ku por produsí teksto na idioma Inglés. E IA konosí komo GPT-3 por produsí teksto nobo na Inglés siñando di tekstonan di henter Internet. Na Zambia e akadémikonan a traha un IA ku por transkribí e idioma Bemba outomátikamente. Resientemente, e kompania Meta (ántes konosí komo Facebook) a anunsiá un IA nobo ku tin e abilidat pa tradusí idioma krioyo manera Papiamentu.
Ounke e karakter di e proyekto ta tékniko, komponentonan di e proyekto lo rekerí esfuerso di komunidat. Tambe e resultadonan di e proyekto por ta numeroso:
Edukashon riba e tópiko di IA por resultá den tipo di trabou nobo i yuda ekonomia. Tambe por enbolbí studiantenan interesá den IT pa profielwerkstuk of akadémikonan na University of Curacao.
Wak idioma Papiamentu for di un perspektiva diferente.
Kolaborashon ku artistanan lokal pa produsí e aspektonan visual di e proyekto.
Produsí un IA nobo ku no eksistí ainda.
Pa traha un bon IA ta tuma hopi hende, data i esfuerso. Semper nos ta hopi entusiasmá pa tende ideanan nobo i pa kolaborá. Si bo ke sa mas tokante di oportunidatnan pa kolaborá, manda nos un email na:
info@papiamentu.aiE tipo di IA ku wòrdu usá den e proyekto aki yama "Deep Learning" i e ta basá aproksimadamente riba kon e serebro humano ta traha. Esaki ta nifiká ku nos por duna e IA informashon, i e IA ta siña e struktura di e informashon. Por ehèmpel, si duna e IA imágen di kara, e ta siña rekonosé kara. Na un manera paresido por duna e IA tekstonan di un idioma i a IA por siña struktura di e idioma. Mas tantu informashon (data) ta disponibel, mas mihó e IA ta siña
Den bida real IA ta hopi otro ku den pelíkula. E peliger no ta ku e IA direpiente ta kuminsá pensa pa su mes i rebeldiá. Nò, nos mester tene kuidou kon nos komo hende ta usa e IA. Den bida real hopi biaha e IA no ta masha interesante. Pensa riba Google Maps òf advertensia riba internet
Dependé di kiko bo ta hasi i unda bo ta biba. Pero tin hopi mas chèns ku IA lo bai yudabo den bo trabou.
Nò, un IA no ta konta komo un forma di bida. Pa tin bida mester tin un kurpa kaminda prosesonan kemiko ta tuma luga pa e kurpa por sostené su mes. E IA no tin kurpa, e ta den un kòmpiuter, pero e kòmpiuter tambe no ta na bida.
Nò, e IA ta hasi lokual nos bisé. E no por pensa pa su mes. Bo por kompara un IA ku un papagai. E por imitá hopi bon i hasta papia pero e no por pensa manera un hende ta pensa.
E IA ku nos ta trahando por lesa, skibi i na su mesun estilo kompronde Papiamentu. Nan ta yama e tipo di IA aki “modelo di idioma” (language model na ingles) paso e IA ta siña un representashon di idioma. Un modelo ta un opheto metematiko hopi abstrakto ku por representá tur tipo di informashon. Den e kaso aki, e model ta kontené informashon di idioma Papiamentu.
Un IA di idioma por hasi diferente tipo di tarea relata na idioma: kontestá pregunta, kabamentu di frase, tradusí lenguahe, klasifiká tekstonan, traha resumen i hopi mas..
Nos ta konsidera e IA di idioma Papiamentu komo un hèrmènt inkreibel ku por yuda hende traha hopi tipo di tekstonan nobo na Papiamentu! E IA por yuda nos skibi kuenta, artikel di notisia, kontestá pregunta, i asta nos lo por chat ku ne! Imaginabo un chatbot na Papiamentu!
Nos ke traha e prome IA na Papiamentu komo un manera pa digitalisá i imortalisá Papiamentu. Nos ke demokratisá teknologia IA i hasi'e aksesibel pa nos komunidat ku ta papia Papiamentu. Nos ke pa e komunidat interkambiá ku e IA ya nos por siña kiko e komunidat ta pensa i kiko e ke hasi ku e IA.
Dor di edukashon riba e tereno di IA i inbolbimientu di hopi hende nos por krea un ambiente transparante i responsabel.
Pa traha un bon IA ta tuma hopi hende, data i esfuerso. Semper nos ta hopi entusiasmá pa tende ideanan nobo i pa kolaborá. Si bo ke sa mas tokante di oportunidatnan pa kolaborá, manda nos un email na info@papiamentu.ai.
